Өдгөө АНУ-ын Нью Йорк хотноо FTX крипто биржийн үүсгэн байгуулагч Сэм Банкмэн Фрийдийн шүүх хурал болж байгаа билээ. Өнгөрөгч долоо хоногийн лхагва гарагт эхэлсэн уг шүүх хурал нийт зургаан долоо хоног үргэлжлэх төлөвтэй байгаа бөгөөд шүүх хуралд түүний хуучин найз бүсгүй, шадар асан Каролайн Эллисон гэрчээр оролцож байгаа юм.

Тэгвэл энэ долоо хоногийн лхагва гарагт Каролайн Эллисон шүүх хуралд оролцож, Сэм Банкмэн Фрийдийн эсрэг мэдүүлэг өгчээ. Түүний мэдэгдсэнээр Сэм өөрийн авсан зээлийг төлөхийн тулд Каролайнд хэрэглэгчдийн мөнгийг авахыг даалгасан гэсэн байна. Улмаар Сэм Банкмэн Фрийдийн боловсруулсан тогтолцоо нь хэрэглэгчдийн оруулсан мөнгийг угааж, тэднээс мөнгийг нь хулгайлахад зориулагдсан гэжээ.

Каролайн Эллисоны хувьд өнгөрөгч оны арванхоёрдугаар сард аль хэдийн өөрийн ялыг сонссон бөгөөд тэрээр энэ удаагийн шүүх хурлын гол хүмүүсийн нэгээр нэрлэгдэж байгаа юм.

Эх сурвалж: BBC