"MCS"-ын барилга дээр 200 шахам хятад гурван монгол залууг тахир дутуу болтол зодсон хэрэг саяхан гарсан билээ. Тэгвэл энэ явдалтай зэрэгцэн ОХУ-ын Нахадко боомтын хажууханд орших жижигхэн арал дээр 100 гаруй барилгачин хятад оросууд руу халдаж бүлэглэн зодсон хэрэг гарсан аж. Харин энэ үед Оросын цагдаа нар манай цагдаа нар шиг алсаас хараад таг дуугүй суугаагүй байна. Оросын цагдаагийн тусгай анги буюу ОМОН-ны 30 орчим залуу гүйж ирээд агуу их Оросын газар нутаг дээр томорч даварсан хятад барилгачдыг нүүр нүдгүй балбан духаар нь газар мөргүүлж, шавартай хутган өнхрүүлж хандыг нь хага дарсан бичлэг интернэт сайтууд дээр тавигдсан байв. Оросын цагдаагийн тусгайгийнхан “Та нар хаана байна вэ хөөш. Хэний нутаг дээр байна вэ?” хэмээн уур омогтой хашгиран балбасаар лав л тав зургаан хятадыг дамнуурган дээр тэгнүүлэн түргэний тэргэнд ортол балбасан байсан төдийгүй үлдсэн хятадуудыг нь хашааны хана налуулан зогсоож. тэгсэнээ газар хэвтүүлж байв. Аягүй бол тэдний дээр гишгэсэн ч байж магадгүй. Хятадууд хоёр бар хоорондоо зодолдохыг уулан дээрээс харж суух бахтай гэж ярьдаг шиг хятад луу, орос баавгай хоёрын хооронд хагарал гарч байгааг хөндлөнгөөс харж суух сайхан байсан ч өөртөө гутрах сэтгэл төрсөн юм. Оросын цагдаа нар ард иргэдээ гадаадынханы халдлагаас хамгаалж үнэхээр чаддаг юм байна. Гэтэл манай цагдаа нар яадаг билээ. 2010 оны 8-р сард Мэргэжлийн хяналтын барилга дээр ажиллаж байсан 300 орчим хятад ажилчин цагдаагийн албан хаагчдын биед хүртэл халдаж тархи толгойг нь хага цохиод зогсохгүй тэднийг өмөөрч очсон “Хөх монгол” бүлгэмийн найман залууг цус нөжтэй нь хольж тахир дутуу болтол нь зодоход манай цагдаагийн тусгай ангийнхан тэнд очиж оросууд шиг эмх журам сахиулж чадаагүй шүү дээ. Магадгүй манай хууль хүчнийхэн Хятадын атганд орчихоод хөдөлж чаддаггүй болохоор манай улсад ажиллаж буй хятад иргэд давардаг ч байж болох юм. Уг нь цагдаагийн ерөнхий газрын харъяа 3-р тусгай тасгийнхан ийм зүйл дээр л хамгийн түрүүнд очиж улсынхаа сүр, төрийнхөө хүчийг харийнханд харуулж баймаар санагдах юм.