CV-г эхний удаа 15 секундэд л гүйлгэж харахуйцаар бичсэн байвал зүгээр. Хэн нэгэн хүн танаас CV-г нь шалгаж үзэхийг гуйвал битгий татгалзаарай. Танд ч хэрэгтэй.
Анхны сэтгэгдэл
- CV жинхэнэ юм шиг харагдаж байна уу? Аль эсвэл ямар нэг загвар ашиглаагүй байна уу?
- CV-г уншихад ойлгомжтой, юм бичигдээгүй хоосон зайнууд байна уу?
- CV-ний дизайн мэргэжлийнх юм шиг харагдаж байна уу аль эсвэл жирийн л нэг бичлэг шиг харагдаж байна уу?
- Ур чадварын хэсэгт оруулсан мэдээлэл нь өргөдөл гаргагчийг тодорхойлоход шууд мэдэж болох мэдээллийг оруулсан байна уу?
- CV-ний урт болон ерөнхий харагдах байдал нь албан тушаалын түвшин болоод тухайн зорилгод нийцэж байна уу?
Харагдах байдал
- CV сайтар боловсруулсан илтгэл шиг харагдаж байна уу?
- Фонт нь албан тушаал болон салбарт нийцсэн байна уу?
- Цэг, зураас, тодруулалт гэх мэт дизайны элементүүд нь уншигчийн нүдийг чухал агуулга руу хөтөлж байна уу?
- Текст болон хоосон зайнууд нь хоорондоо тэнцвэртэй байна уу?
- Хуудасны хүрээ нь бүх талд нь байна уу?
- Зай, үсгийн хэмжээ нь тогтвортой нэг ижил хэмжээнд байна уу?
- Хэрэв CV нь нэг хуудаснаас их бол хоёр дахь хуудас нь толгойн хэсгийг агуулж байна уу? Хуудас нь зөв форматтай байна уу?
CV –ний иж бүрдэл
- CV-ний бүх хэсгүүд ойлгомжтой бичигдсэн байна уу?
- Өргөдөл гаргагчийн хамгийн сайн үнэмлэх, диплом зэргийг тодруулж харуулахын тулд иж бүрдлүүд нь хамгийн тохиромжтой дарааллаар байна уу?
- Ажилласан туршлага нь эсрэг дараалалтай байна уу? (Хамгийн сүүлд хийж байсан ажлаа хамгийн эхэнд бичих)?
- Албан тушаалын зорилго
- Албан тушаалын зорилго, зорилт нь CV-ний толгойн дээд хэсэгт эсвэл ур чадварын хэсэгт байна уу?
- CV нь тодорхой нэг албан тушаалын зорилгод чиглэгдсэн байна уу? Бүх бичиг баримтууд нь нэг ижил хэмжээтэй биш байна уу?
- Хэрвээ CV-г ажлаа солиход зориулж бичиж байгаа бол өнгөрсөн туршлага зэрэг туслах дэлгэрэнгүй мэдээллүүд нь шинэ зорилттой нийцэж байна уу?
Амжилт, ололт
- CV нь ажлын амжилт ололтуудыг багтаасан байна уу?
- Тоо, хувь, мөнгө болон бусад зүйлсээр амжилтаа хэмжсэн байна уу?
- Амжилт, ололтын тухай өгүүлбэрүүд нь хүчтэй, ялгарч харагдахуйц үгээр илэрхийлэгдсэн байна уу?
- Амжилт, ололт нь үүрэг хариуцлагаас тусдаа байна уу?
Хамаарал
- Мэдээлэл нь ажил олгогчийн хэрэгцээнд хамаатай байна уу?
- CV-ний агуулга нь албан тушаалын зорилготой нийцэж байна уу?
- CV-ний гол чухал үгнүүд нь баялаг, салбарын товчилсон үг хэллэгүүдийг ашигласан байна уу?
- Шагнал урамшуулал, гишүүнчлэлд харъяалагддаг эсэх нэмэлт мэдээллүүд багтаад, гэрлэлтийн байдал, нас, яс угсаа гэх мэт хувийн мэдээллүүд орхигдсон юм биш биз?
Бичих хэв маяг
- CV нь бичсэн хүний дуу хоолойгоор “би”, “надад”, “миний” гэх мэт үгнүүдийг ашигласан байна уу? Эсвэл эдгээр үгнүүдээс татгалзсан байна уу?
- Агуулга нь логик дэс дараатай, ойлгоход хялбар байна уу?
- CV нь бичиглэл, дүрэм, өгүүлбэрзүйн алдаагүй төгс болж чадсан байна уу?