Эдийн засгийн хувьд хүндхэн нөхцөл байдалд байгаа Карибын тэнгисийн арлын улс болох Куба НҮБ-ын хүмүүнлэгийн байгууллагаас анх удаа хүүхдүүдэд сүүний тусламж үзүүлэхийг хүсжээ.
Орон нутгийн цагаар 28-ны өдөр EFE агентлагийн мэдээлснээр, Кубын засгийн газар саяхан Дэлхийн хүнсний хөтөлбөрт 7-оос доош насны хүүхдүүдэд зориулан тослоггүй сүүг тогтвортой нийлүүлэхийг хүссэн албан бичиг илгээсэн болохыг онцолсон байна.
Куба дахь Дэлхийн Хүнсний Хөтөлбөрийн төлөөлөгч EFE агентлагт хэлэхдээ "Кубын засгийн газраас хүүхдүүдэд сар бүр 1 кг сүү олгохыг хүссэн нь үнэн. Тус улсад нүүрлээд байгаа эдийн засгийн ноцтой хямралын нөхцөл байдлыг харгалзан бид холбогдох арга хэмжээг аль хэдийн авч эхлээд байна” хэмээн цохон тэмдэглэжээ.
Тэрээр үргэлжлүүлэн “Куба улс Дэлхийн хүнсний хөтөлбөрөөс анх удаа албан ёсоор дэмжлэг хүссэн нь энэ” хэмээн нэмж хэлэв.
Энэ сард Куба улс 48,000 орчим хүүхдэд хүрэлцэх 144 тонн хуурай сүүг Дэлхийн хүнсний хөтөлбөрөөс хүлээн авсан гэдгийг EFE агентлаг мөн дурдсан байна.
Эх сурвалж: MBC