Дэлхийн түүхэн дэх хамгийн том, хамгийн чухал хувьсгал, мөн бусад том хувьсгалуудын суурийг тавьсан, орчин үеийн иргэн ба төрийн хоорондох харилцааг тодорхойлсон, ард түмэн хэрхэн өөрсдийн эрх ашгийн төлөө тэмцэж, төрийг гартаа авсныг өгүүлэх энэхүү маш ээдрээтэй үйл явдлын хүүрнэл нь улс төр, түүх, философи сонирхогч аливаа хүний заавал сонсох ёстой сэдвийн нэг болох буйзаа.

Монголд анх удаа Францын Философи, Францын Хувьсгал сэдвээр системтэй бэлтгэгдсэн 11 цуврал нэвтрүүлэг үзэгч танд хүрч байна. Цувралд зөвхөн Францын хувьсгалаас гадна түүний үндэс болсон гэгээрлийн үеийн философичид болох Жан Жак Руссо, Волтейр болон бусдын талаарх ойлголтуудыг хэлэлцэн танилцуулсан болно.